يارب لك الحمد كما ينبغي لجلال وجهك وعظيم سلطانك
من غير مقدمات الف مليون مبروك لكل زملائنا وزميلاتنا وعقبال التخرج ودائما فى النجاح الباهر والتقدم
يلا بقى نطبق اللى قلناه على لحظات النتيجة
انا جبت 82.5 %ساعتها قلت
الحمد لله على كل حال ونعوذ بالله من حال اهل النار
ساعتها قلت
ج ج يا خساره كان نفسى امتياز بس قدر الله وماشاء فعل بس مش مشكله مش انت دايما تقول لا ينتهي المرء عندما يخسر وانما عندما ينسحب؟؟
ساعتها قلت
خير ان شاء الله نبقى شبه القلم الرصاص ونمسح اخطاءنا ونتعلم منها عشان نجيب امتياز السنه الجاية
ساعتها قلت
كل العظماء مكنوش عباقره ولا خارقين الذكاء بس كانوا بيتمتعوا بروح المثابرة والاصرار
ساعتها قلت
انا واثق فى نفسى جدا وج ج دى مش مقياس لقدراتى انما هى مقياس لمجهودى المقل وعشان كده هضاعف مجهودى ان شاء الله السنه الجاية
ساعتها قلت
مازال من احلامي الامتياز ومازلت احاول وكلي ثقة فى الله ثم نفسى ثم قدراتى
ساعتها قلت
يارب يارب كل اصحابى يجيبوا امتيازات ويتم علينا شهر رمضان ونحن من المقبولين
دلوقتى بقول
يارب تقرأو كلامى ده لانى واحد منكم وزيكم واكيد هتحسوا بيه
دلوقتى بقول
يارب اكون وسيله خير لكل زوار مدونتى ويارب اقدر افيدهم وابث جواهم روح الامل والعمل
والايام جايه هاقول بفضل الله كتيييييييير
انتظروا اخوكم
هناك 28 تعليقًا:
بسم الله
بصراحة اول سمعت ما صدقتش
انا متوقع غير كده خالص
حاسس ان في نقص في 100 درجة يعني 6 في الميه عشان كده قدمت تظلم وفي الانتظار
وقلت
قدر الله وما شاء فعل
ان القلب ليحزن ولكن لا نستطيع ان نقول الا ما يرضي ربنا
الحمدلله على كل حال
الف مبروك ليك يا حمادة وان شاء الله السنة الجاية الختامية تكون جميلة علينا كلنا وكلنا باذنه تعالى نجيب امتيازات عشان نتخرج بقى وارتاح منك ومن الشلة لاني خلاص زهقت منكم ومش عاوز اشوف وش حد منكم خالص هههههه
5 سنين يا راجل مع بعض
حاجة تخنق ههههههههه
لا تنسانا من دعائك ، بكرة 27 رمضان
كل عام وانت الى الله اقرب
تحياتي
ربنا يبارك
جميل أسلوبك هنا د.محمد
الف مليون مبروك
الف مبروك
يارب توصل للامتياز وبامر الله نرتقى فى عملنا خير لنا فى ان نرتقى لانفسنا فى الدنيا فقط
فعلا د محمد حلم كبير دي شمس الامل في البلوجر
كم تبعث في التفاؤل والهمة
ربنا يزيدك ومبرووك ليك والسنة القادمة القلم الرصاص يمحي اخطاؤه ويزيلها وتسعد بالامتياز
وربنا ييسر لدكتر احمد سعيد الخير يااارب في التظلم
انت تريد وانا اريد ويفعل الله ما يريد
تحياتي
اف ألف مبروك يا محمد
وجميل اوي الكلام اللي انت كاتبه
ربنا يعوضهالنا السنه الجايه ان شاء الله
وتحقق كل ما تحلم بيه يا رب
حبيبي
مبروك وربنا يتمم لك بخير ويعوضك
ولا تقلق
فان هناك ربا لا يضيع أجر من أحسن عملا
كن على يقين من ذلك
وتقبل حياتي وأشواقي
الف الف الف مبروك
ان شاء الله السنة الجاية امتياز
والله انا سعيدة بنتيجة حضرتك وسعيدة كمان بالخواطر جدااااااااااا
مبارك النجاح وعقبال الجنة
احمد سعيد بسيوني
ربنا يوفقك فى التظلم يا احمد وقدر الله وما شاء فعل وبخصوص الشلة فاحنا ممكن نفصلك من دلوقتى يا واد ايه رايك؟؟ هههههههههههههه كل سنة وانت طيب ياحبيبي وربنا يوفقنا جميعا سلامي للجميع
ِق القمر
الله يبارك فيك يا دكتورة
ويارب نوصل للامتياز فى الدنيا والاخرة
وما ذلك على الله بعزيز
كل عام وانتم بخير تقبلوا تحياتي
سمسمة
الله يبارك فيكي يا دكتورة والف مبروك لحضرتك
وبالنسبه لان حلم كبير شمس الامل فانا والله اسير واتقدم بتعاليقاتكم وخصوصا تعليقات حضرتك اتمنى اكون عند حسن ظنكم دائما واتشرف بتعليقاتكم
كل عام وانتم بخير تقبلوا تحياتي
محمود سليمان ابو العزم
موضوعك الاخير ماثر جامد فيا يا محمود
الف مبروك ليك وليا وامتياز العام القادم ان شاء الله لعلنا على قريب نلتقي اخى الكريم كل سنة وانت طيب تقبل تحياتي
صيد الخاطر
يا اصفهانى يا حبيبى كفاية مباركتك ليا وحشنى ورب الكعبة يارب نتقابل فى مشوار من المشاوير اياها يا واد بس اوعى تنشق انا عرافك ساعتها هاقول معرفوووووووووووش
اختكم فى الله
نورتى المدونة يا اختى الله يبارك فيكى وفى عمرك يارب دايما ابسطك بكتاباتى واكون عند حسن ظنك كل عام وانتم بخير
الراجية عفو ربها
الله يبارك في عمرك ويحفظك ولا تنسونا من دعائكم اسكننا الله واياكم الفردوس الاعلى كل عام وانتم بخير
مبروك
معلش جات متأخرة
عشان كنت مشغول شوية
الف الف مبرك يا اخى و جزاكم الله خيرا على كلامك الرقيق
ادم المهدى
د.عبد البااااااااااسط..
ألف مليون مليون مبروك..
مثال مشرّف أنت والله ، صدقت الله في عزمك على التفوق ، فصدقك الله بنتيجة أسعدت قلبي-يعلم الله .
اذًا يا رفيق..على دربك نسـير ، فلعل الله ييسر لنا ما يسّـر لك - وما ذلك على الله بعزيز .
مدونتك رووووعة .. وكلها تفاؤل وصدق..
والله قلبي اطمأن بمجرد فتحها..
رزقك الله الاخلاص وبتك على نعمة التفوق والالتزام ولا تنسني من دعاءك.
الف مبروك يادكتور وان شاء الله السنه الجايه ربنا يكرمك بما تتمنى وتستحق
بجد جزاك الله خيرا على الكلام الجميل المحفز ده
عايزين منه كتير السنه الجايه وعليك خير يادكتور
تحياتى...
الاول الف مبروك يا محمد وربنا يكرمك ويكرمنا ويعديها علي خير السنه الجايه
تعرف انا ساعتها قلت ايه ؟
ربك عادل اوي علي قد تعبك لقيت وانا بعترف اني كنت مقصر في الاطفال علاقتي بيها فقط كان في الراوندات والاسبوع اليتيم اللي كان بعد الباطنه فمستحيل اتساوي مع شخص مهتم اكتر طبعا
مشكلتنا اننا كل سنه بنقول السنه الجايه هنبقي احسن ونغير من نفسنا مش عارف ليه بيبقي الوضع علي ما هو عليه ؟
عالعموم الف مبروك تاني يا دكتره وعقبال ما نشوفك كده وانت منور كوشتك
باجوجو
لعل ما كان يمنعك خيرا ان شاء الله يا رامي والف مبروك ليك وانت متاخرتش ولا حاجه وتقبل الله الصيام والقيام وصالح الاعمال وكل عام وانتم بخير
ادم المهدي
تقبل الله منا ومنكم الصيام والقيام وصالح الاعمال يااخ ادم اسعدنى مرورك ولعلها لا تكون الزيارة الاخيرة دمت سالما غانما اخى الكريم
noor_eldeen35
جزاكم الله خيرا على كلامك يااخى وربنا يغفر لنا ما لا تعلمون ويجعلنا خير مما تظنون ربنا يجعلنى دائما عند حسن ظنك وسعيد يااخى الكريم بزيارتك لمدونتى المتواضعة جدا
تقبل الله منا ومنكم الصيام والقيام وصالح الاعمال
كل عام وانتم بخير
quiet_storm
وجزاكم مثله يا دكتورة مبروك النجاح ويارب دايما يرزقكم التفوق والتميز وان شاء الله اكون عند حسن ظنك فى مواضيعي واسال الله ان ينفعنا بها
تقبل الله منا ومنكم الصيام والقيام وصالح الاعمال
dr_modymodak
الله يبارك فيك يا دكتور محمود وان شاء الله السنه الجاية نكون افضل وفعلا ربك عادل علشان كده لازم نزود مجهودنا شوية وان شاء الله طول مانت صاحبى اكيد هستفيد منك كتير وان شاء الله نكون افضل اما عن الكوشة فبرده نشجع بعض ودعوة جميلة والله يا حوده متتخيلش انا ضحكت اد ايه كل سنه وانت طيب اخى الكريم تقبل الله منا ومنكم الصلاه والصيام والقيام وصاح الاعمال
1000 1000 مبروك يا دكتور وعقبال الامتياز
واحب اقول
علشان تحلم حلم كبير لازم تنام كتيييير (^_^) والسلام
هههههههههههههههههههههههههههه
محمد عبدالسلام يا عسل عرفتك عرفتك
احب اقول لك بقى
يا قوم ناموا لاتستيقظوا مافاز الا النوم
طبعا شعر غلط ميه بالمية بس وحشتنى والله مع انى لسه سايبك من ساعتين
كم احبك فى الله
تقبل الله منا ومنكم
بسم الله الرحمن
فيديو كليب ..
تهنئة لشرفااء الوطن
بمناسبة عيد الفطر
الان على
قلب ابيض
تابعونا
الف مبروك النجاح يادكتور
عيد مبارك ....كل سنه وانت طيب
انا كمان ج ج السنه دى يارب امتياز السنه الجايه ....انت وأنا ان شاء الله
كل سنه وانت طيب
عيد سعيد
إرسال تعليق