من قواك الذاتية

اعلنت احدي الجامعات الطبية فى امريكا عن فتح باب التقدم للافراد الزائدين فى اوزانهم والراغبين فى انقاص وزنهم للنصف فى فتره وجيزة فتقدم لهذه الجامعة الف شخص لانقاص وزنهم وكانت اول محاضره لهم عن نظام التمارين التى سيؤدونها لانقاص وزنهم فى اسبوعين

فقال لهم المدرب فى اول اسبوع لن نقلل من كميات الطعام التى سناكلها ولكن سنغير من نظام حياتنا اذا كنت تاكل باليمين فى هذا الاسبوع لابد ان تاكل بالشمال واذا كنت تنام مبكرا عليك ان تسهر واذا كنت كنت تسهر عليك ان تنام مبكرا عليك ان تغير من جميع نشاطاتك فى الحياه اليويمه الى العكس مائة بالمائة

تساءل احدهم وهل هذا سيفيد فى انقاص اوزاننا؟؟ قال بالطبع نعم

ذهب الجميع الى منازلهم وفى المحاضرة الثانيه فى الاسبوع الثانى لم يحضر الا ما داوموا على النظام ترى كم كان عددهم؟؟

20 شخص من الف شخص

وما الذى ميزهم ؟؟

الاصرار

كان هذا التمرين الشاق من قبل المدرب لكى ينتقى من بين الالف من لديه الاصرار على ان ينقص وزنه فالذى يصر على تغير كل نشاطاته الى العكس شخص لديه اصرار

وبالفعل فى اقل من اسبوعين وصل كل انسان الى ما أراد فى انقاص وزنه لانهم اصروا على انقاص وزنهم

ياترى احنا عندنا اصرار فى تحقيق احلامنا ؟؟ وياتري احنا لما بنحدد هدف بنفضل واضعينه نصب اعيننا ومصرين على تنفيذه

ياشباب احنا عندنا قناعات غريبه لازم تتغير

...فاهمين ان الناجحين والمتفوقين دول ناس خارقين وفوق العاده ! واعلى مننا وانهم بيحققوا النجاح اللى هما فيه دونما جهد ودونما مشقة !وساعات بنتخيل انهم معاهم عصاه سحريه بيعملوا اللى عايزينه! واحنا مش زيهم ابدا وانهم ناس عاليه اوى!! ومولودين كده!!

بالعكس

يا شباب دول ناس زينا بس عندهم اصرار وعزيمة

هارفى ماكى يقول ( ان العالم ملئ بالموهوبين المخفقين انهم اناس لديهم الكثير من التعليم والذكاء والمقدرة والسحر لكن يبدو انهم لا يستثمرونه ابدا ينقصهم المقوم الاساسى وهو الخط الفاصل بين النجاح والاخفاق ينقصهم التصميم والمثابرة )

عايز اذكركم بالدكتور ابراهيم الفقى الراجل ده ياشباب اول ماراح كندا اشتغل اول شغلانه له يغسل صحون فى فندق كبير بس كان بيشتغل بجد فعلا حتى فى غسيل الصحون

على راي د روكفلور جنيور ( سر النجاح هو ان تفعل شيئا عاديا بجوده غير عادية )

المهم الدكتور ابراهيم الفقى وهو مازال عامل بيغسل صحون راح لمدير الفندق وقال له :عندى ليك خبرين خبرحلو وخبر سئ

قال له قول الحلو الاول ....... قال له الخبر الحلو انى هكون مدير فندق زي حضرتك فى يوم من الايام ربما قريبا

مدير الفندق قال له طيب مبروك والخبر السئ ياترى ايه؟؟؟.. قال له انى هكون مدير الفندق ده (مكانك يعنى )

وفعلا بقى مدير لنفس الفندق اللى بدا فيه عامل بيغسل الصحون

تفتكروا ايه اللى خلاه يوصل لهدفه؟؟ شوية تصميم مع اراده

كان فى مرة ضفدعتين سقطوا فى حلة لبن كبيرة اوى فى ضفدعة يأست ومحاولتش واستسلمت للغرق

والضفدعة التانية صممت تعيش فضلت تلف فى الحلة .. لحسن حظها اللبن راب (تخثر ) لما اتجمد ورفع الضفدعة لفوق ومغرقتش

جرب كده تعترض طريق نملة وحاول تعرقلها عن طريقها وشوف هيا هتياس وترجع عن طريقها ولا هيكون عندها اصرار وتحاول مرة واتنين وتلاته؟؟ انا متاكد انك انت هتياس من عرقلتها وهتسبها فى حالها وهي مش هتياس هتكمل طريقها ........اهى دى نملة؟ ياريت نتعلم منها

وما مواقف رسول الله صلى الله عليه وسلم وصحابته وسلفه منا ببعيد هل تتذكر محمد الفاتح واصراره على فتح القسطنطينية؟؟ وماذا فعل لكى يحقق حلمه؟؟

الخلاصة

*اذا بدت الامور قاسيه وشعرت بالاسي لنفسك فلا تستسلم للقنوط فلا احد يبالي بحزنك

*افضل من يحثك على النجاح هو انت لا احد غيرك فلا احد يستطيع ان يحل مشاكلك او يعرف لغزك

*الاصرار هو القوة والعمق والصلابة والتوكيد والتغلب على الاعذار والتحدى الداخلى منك لكل المصاعب
*الاصرار هو الخطوة الاولي ثم يجب ان يتبع بعمل جاد وبتدريب ذهنى وبدني وكل مايلزم لكى تصل الى حلمك

*توكيدنا الدائم على النجاح يساعدنا دائما على تجاوز الصعوبات وتحدي العقبات وعلى قدر مجهودك يحسن حظك