خواطر النتيجة

يارب لك الحمد كما ينبغي لجلال وجهك وعظيم سلطانك
من غير مقدمات الف مليون مبروك لكل زملائنا وزميلاتنا وعقبال التخرج ودائما فى النجاح الباهر والتقدم

يلا بقى نطبق اللى قلناه على لحظات النتيجة

انا جبت 82.5 %
ساعتها قلت
الحمد لله على كل حال ونعوذ بالله من حال اهل النار
ساعتها قلت
ج ج يا خساره كان نفسى امتياز بس قدر الله وماشاء فعل بس مش مشكله مش انت دايما تقول لا ينتهي المرء عندما يخسر وانما عندما ينسحب؟؟
ساعتها قلت
خير ان شاء الله نبقى شبه القلم الرصاص ونمسح اخطاءنا ونتعلم منها عشان نجيب امتياز السنه الجاية
ساعتها قلت
كل العظماء مكنوش عباقره ولا خارقين الذكاء بس كانوا بيتمتعوا بروح المثابرة والاصرار
ساعتها قلت
انا واثق فى نفسى جدا وج ج دى مش مقياس لقدراتى انما هى مقياس لمجهودى المقل وعشان كده هضاعف مجهودى ان شاء الله السنه الجاية
ساعتها قلت
مازال من احلامي الامتياز ومازلت احاول وكلي ثقة فى الله ثم نفسى ثم قدراتى
ساعتها قلت
يارب يارب كل اصحابى يجيبوا امتيازات ويتم علينا شهر رمضان ونحن من المقبولين
دلوقتى بقول
يارب تقرأو كلامى ده لانى واحد منكم وزيكم واكيد هتحسوا بيه
دلوقتى بقول
يارب اكون وسيله خير لكل زوار مدونتى ويارب اقدر افيدهم وابث جواهم روح الامل والعمل
والايام جايه هاقول بفضل الله كتيييييييير
انتظروا اخوكم

هل يبقي القط علي ما هو عليه؟!

كان فى مره قط كان بيحصله حاجه غريبة اوى كل ما يبص فى المراية يشوف نفسه اسد والاغرب من كدة ان كل اللى حوالية برده بيشفوه اسد حتى احنا شيفينه اسد (بص فى الصورة كده)
عارفين ليه يا شباب؟؟

الثقة بالنفس

صاحبنا واثق من نفسه اوي مش بيدي فرصة لليأس والخوف يوقفوا مسيرته وعارف قدراته ومواهبه لما سالوا صاحبنا ده قال
(الثقة بالنفس تضاعف من الطاقات وتزيد من القدرات وتدعم الملكات العقلية )
موضوعنا ياشباب عن الثقة بالنفس احنا مشاكلنا يا اما مش واثقين فى قدراتنا يا اما مش واثقين فى نفسنا عشان كده مافيش احلام ولا اهداف بتتحقق
فى واحد من اغني اغنياء العالم اسمه روبرت شولر فكر انه يبني كنيسة كبيرة (CRYSTAL CATHEDRAL )
جاب المهندس فى مكتبه وقال له هتتكلف كام قال له 150 مليون دولار انت معاك منهم كام؟؟؟
قال له ولا دولار
رد عليه المهندس وقال له IT IS IMPOSSIBLE
روبرت شولر جاب القاموس بسرعه وقال للمهندس طلع لى كلمة مستحيل من القاموس فضل يدور المهندس على الكلمة دى مطلعهاش استغرب اوى المهندس!!!!
روبرت شولر قال له متستغربش اصل انا قطعت الورقه اللى فيها الكلمه دى من 25 سنة عشان كده انا من أغنى أغنياء العالم وهبنى الكنيسة رغم ان مش معايا مال الان وفعلا اتبنت كنيسة الكريستال
ان الذين يرتقون الى مكانة عاليه فى هذا العالم هم الاشخاص الذين استطاعوا اولا تخيل انفسهم فى تلك المكانة قبل تحقيقها اى انهم يرتقون الى المكانة التي يريدونها فى مخيلتهم اولا ولا يحيدون عن هذه الصورة مؤمنين بقدراتهم واثقين فى انفسهم لا يتطرق اليهم الخوف ولا الياس
انا عايزك تعرف ان اللى مش بيثق فى نفسه ودايما خايف من التجربة عمره ما هيحقق اهدافه فى الحياة لان اعتقاد الخوف هيسيطر علي قدراته ومواهبه و هيحطم كل حاجه فيه ولعلمك بقى
كل عظماء التاريخ مش فقط انتجوا اعمال عظيمة بالعكس انتجوا ايضا اعمال رديئة وتجارب فاشله كتير جدا ده عشان ماكانوش بيخافوا من الفشل وكانوا واثقين من نفسهم جدا وبدليل افتكر التاريخ لهم كل اعمالهم الجيده ونسى لهم كل الاعمال الرديئة

تيجى ناخد مثلا؟؟؟
اديسون كلنا عارفينه مخترع الكهرباء العظيم عارفين عشان يخترع المصباح الكهربائي عمل كام تجربة ؟؟ 999 تجربة ولم ييئس ولم يشك فى قدراته وثقته فى نفسه وابتكر المصباح فى التجربة رقم 1000 وافتكر التاريخ المرة الالف فقط انه اخترع المصباح الكهربائي ونسي كل التجارب الفاشله ولما سئلوا اديسون انت فشلت 999 مره قال لهم انا مفشلتش ولا مره لان كل تجربه كنت بعملها كانت بتعرفنى جديد وتخلينى اقرب لهدفى خطوة
لما عرفت اللى قاله اديسون قلت فعلا اللى مايموتنيش يخلينى اقوي ويخلينى اعظم ليه منفكرش بالطريقه دى ان اللى مايموتنيش يخلنى اقوي؟؟؟

هديك مثال على تفكيرنا واللى مفروض نفكر بيه صح

انا معنديش فلوس ______ ايه يعنى ماكل اغنياء العالم بدأوا من الصفر

لسه صغير معنديش خبرة _________ كويس مخى لسه فريش
مسلم وكمان عربي مش هيرضوا بيا فى اوروبا _____ طول عمرنا كنا اسياد العالم
اصحابي معتقدين انى غبي _______ بثقتى فى نفسى هيحترموني جدا ويشفونى اسد
انا حظى وحش اوي_______________ الفاشلين بس اللى بيعولوا على الحظ
ظروفى سيئة للغاية _______ العظماء يصنعون الظروف ويطوعوها لمصلحتهم
ليه منفكرش بمبدا الثقة دة؟؟؟ صدقنى مهما كنت ضعيف او حاسس انك ضعيف ثقتك بنفسك هتخليك اقوي وتخلى نظرة الاخرين ليك افضل

الخلاصة

1-عليك ان تعرف ان كل الناجحين والعظماء فى مجتمعاتهم ليسوا عباقرة افذاذ وانما يتمتعون بعادة المثابرة والاصرار فى الاعمال من بدايتها وحتى نهايتها واثقين من نجاح مسيرتهم العلمية والعملية مهما اخفقوا لانهم سرعان ما ينتفضون ويتعلموا من اخطائهم
2-اذا كنت ذا طبيعة منكمشة وان كنت تفتقر الى الايجابية والمبادرة والمخاطرة على تحقيق النجاح عليك ان تغير موقفك الذهني برمته وتتعلم ان تثق بنفسك وتحرر ذهنك من الخوف والتردد والا فانت ستحكم على نفسك بالفشل مدي الحياة
3-اذا شرعت الباب للتردد والخوف والشك فى الدخول الي ذهنك والحكم على اعمالك ومسريتك فانك تسمح للص يسرق كل احلامك واهدافك فقاوم هذه الافكار كما تقاوم اللصوص
وان كنت تكلمت عن اناس عظام فلن انسي موقف سيدنا ربعي بن عامر عندما طلب رستم ملك الفرس من سعد بن ابي وقاص ان يرسل اليه رجلا من رجاله وقبل قدوم " ربعي " ـ رضي الله عنه فوجئوا برجل قصير القامة ، عليه ثياب صفيقة ، وأسلحة متواضعة ، وفرس صغير ، ولم يزل " ربعي " ـ رضي الله عنه ـ راكبـًا فرسه حتى داست على الديباج والحرير ، ثم نزل عنها وربطها في قطع من الحرير مزقها ، وأقبل على " رستم " فقالوا له : " ضع سلاحك " ، فقال : " إني لم آتيكم ، وإنما دعوتموني ، فإن تركتموني هكذا وإلا رجعت " ، فقال " رستم " : " ائذنوا له " ، فأقبل ـ رضي الله عنه ـ يتوكأ على رمحه فوق النمارق ، فخرق أكثرها ثم قال قولته المشهورة إن الله ابتعثنا لنخرج من شاء من عبادة العباد إلى عبادة رب العباد ، ومن ضيق الدنيا إلى سعتها ، ومن جور الأديان إلى عدل الإسلام
حقا لقد عرف صحابة رسول الله لما خلقوا ولو دب الخوف وعدم الثقة فى انفسهم وفى ربهم ما فتحوا البلاد والامصار
فهل يبقى القط على ما هو عليه؟ ارجو الاجابة فى التعليق

مثل قلم رصاص

تكلم صانع اقلام الرصاص مع قلم رصاص ذات يوم قائلا

هناك خمسة امور اريدك ان تعرفها قبل ان ارسلك الى العالم

تذكرها جيدا وستكون افضل قلم رصاص ممكن

اولا

ستكون قادرا على الكثير من الامور العظيمة ولكن فقط اذا اصبحت فى يد احدهم(انسان لديه اصرار وكفاح ولا يعرف الياس)

ثانيا

سوف تتعرض لبري مؤلم بين فترة واخري ولكن هذا ضرورى لجعلك قلما افضل (حيث تمتلك خطا واضحا نظيفا غير مشوش )

ثالثا

لديك القدرة على تصحيح اخطاء قد ارتكتبها (فانت الوحيد من دون غيرك من الاقلام الذى تمتلك ممحاة حتى تمحو بها اخطائك وتصححها )

رابعا

ودائما سيكون الجزء الاهم فيك هو مابداخلك يعنى_ سن الرصاص _(فلا تهتم بالمظاهر قدر اهتمامك بالبواطن ومابخارجك ليس هدفك

انما داخلك هو هدفك ووظيفتك )

خامسا

مهما كانت ظروفك يجب عليك ان تستمر فى الكتابةوعليك ان تترك خطا واضحا ورائك مهما كانت قساوة المواقف (حتى يدرك الاخرون هذا الخط فاذا لم يكن واضحا فانت لا شئ )
وفهم القلم ما طلب منه ودخل الى علبة الاقلام تمهيدا للذهاب الى العالم بعد ان ادرك تماما غرض صانعه عندما صنعه
والان ضع نفسك مكان هذا القلم وتذكر دائما ولا تنسى هذه الامور الخمسة وستصبح انت افضل انسان ممكن فى الحياة ويتقدر على تحقيق احلامك

اولا

ستكون قادرا على صنع العديد من الامور العظيمة ولكن فقط اذا ماتركت نفسك بين يدى الله عز وجل ودع باقي البشر يقصدونك لكثرة مواهبك التى تمتلكها وتعرفها عن نفسك ويجهلها الاخرون عن انفسهم

ثانيا

سوف تتعرض لبري مؤلم بين فترة واخري بواسطة المشاكل التى ستواجهها ولكنك ستحتاج هذا البري كى تصبح انسانا قويا

ثالثا

ستكون قادرا على تصحيح الاخطاء والنمو عبرها

رابعا

الجزء الاهم منك هو مابداخلك (دينك ودوافعك وطاقتك وقدراتك ومهاراتك )

خامسا

فى اى طريق قد تمشى فعليك ان تترك اثرك وبغض النظر عن المواقف وعليك دائما ان تخدم الله فى كل شئ

مقتبس ومضاف اليه بعض النقاط

الخلاصة
كل منا كقلم رصاص تم صنعه من اجل غرض عظيم وفريد وليس لانه الاجمل من الاقلام ولكن لانه تميز بالممحاه التى دائما ما تمسح الاخطاء وتصححها ومادام الانسان يجرب ويخطا فهو فى طريقه الى النمو والى الامام اما اذا ترك اخطائه ولم يصححها ولم يتعلم منها فلن يتقدم
ولنتذكر جيدا لقد خلقنا من اجل اهداف عظيمة فلنكن على قدر المسؤولية