انا من

صورتي
انسان(اعظم مخلوق خلقه الله عز وجل) مش اقصد طبعا انا اللى اعظم مخلوق لا اقصد ان بنى ادم هم اعظم ماخلق الله عشان كده لازم يبقى حلمنا كبير

الأربعاء، 28 يناير 2009

الحياة مش بروفة


جلست مع اخوانى فى مسجد الكلية وبدات بنزع ورقة من كشكول المحاضرات وكتبت فيها

Life is not a rehearsal

قال احدهم : ايه ده المدارسة النهاردة انجليزى ولا ايه

الاخر : ok im ready

مع ابتسامات من الاخرين

قلت للجميع هل يستطيع احدكم ان يقول ماذا تعنى هذه الجملة

قال الاول : الحياة ليست rehearsal

قال الاخر : الحياة ليست تجربة

بادرتهم الحياة ليست بروفه حقا لكن ماذا تعني هذه الجملة ؟؟

سكت الجميع

قلت يا احمد كم مره نويت على مذاكرة برانش معين وعندما جلست غيرت رايك ولم تذاكر؟؟

قال كتييييييييييييييييير

قلت يا محمد كم مره نويت على القاء كلمه فى الراوند ولما ذهبت الى الراوند غيرت رايك ومقلتش ؟؟

قال كثيييييييييييييييير

قلت كم مره دربت ومرنت نفسك على فعل عمل معين ولما جه وقت الفعل ترددت وتراجعت؟؟

قال كتيييييييييييييييير

اذن النية وحدها لا تكفي لا بد من وضع نيتك فى الفعل حقا

والحياة اللى بنعشها ليست بروفه بمعنى ان انت مش بتعيش الا الوقت ده ولا تملك الا الوقت الحالي فاستغله احسن استغلال

قاطعني محمود وقال والله منا فاهم حاجة

هافهمك يا حودة مثلا المطرب عشان يغنى اغنيه بيقعد يعمل بروفات كتيره فى كل بروفه ممكن ميكنش واقف باللبس اللى هيظهر بيه فى الحفلة

وممكن ميكنش واخد البروفه جد زى ما هيكون فى الحفلة

وممكن ينسى جملة او يعمل اللى هو عايزة فى البروفة صح كده ؟؟

محمود اه تمام

انما فى الحفة ؟؟ بيكون جاهز من كل حاجه

لكن انت فى يومك لازم تكون جاهز وتقتحم العمل وتنتهز انصاف الفرص اوعى تخلى يومك بروفه ليوم تانى اوعى تخلى الساعه اللى انت فيها بروفه للساعة القادمة

حياتك مش المستقبل حياتك مش بكرة حياتك مش المره الجاية حياتك هيا دى الان اللى بتعشها هذه اللحظة فقط

(يارب تكون المعلومة وصلت )

رد عليا خالد وقال لى بس فى عقبات كتيرة مش ممكن نتاجاهلها

قلت له الخوف من الفشل ؟؟ طيب هتتعلم امتى لو مجربتش ...انت نسيت ان مفيش حاجه اسمها فشل فى حاجه اسمها نتائج الفعل

او خايف من مواجهه الجمهور او الناس هتضحك عليا ؟ انت اصلا اتفوقت عليهم لما ظهرت قدامهم ... صدقنى انت احسن واحد فيهم

احكيلك على مثال شخصى؟؟

انا جيت مره راوند الجراحه متاخر ولقيت اصحابى واقفين بره وقالولى الدكتور مش بيدخل حد بعده مهما كان

قلت كويس لازم ننال شرف المحاولة .. خبطت على الباب وقلت له لو سمحت يا دكتور المواصلات صعبة جدا وفى ناس بره اكتر من اللى جوة فى الراوند

الدكتور بكل بساطه قال اخر مره يا دكاتره اتفضلوا

للاسف كل اللى كانوا بره الراوند مكنوش عايزين يقتحموا الفرصة اكيد كلهم فكروا يكلموا الدكتور بس ترددوا وسابوها لوقت تاني

احكيلك موقف بالسلب ؟؟

كنت راكب الاتوبيس الصبح من بلدى لطنطا وفى المحلة لقيت زميل ليا مستنى المواصلات فكرت اقول للسواق اجيب زميلى معايا بس اترددت وعشان اترددت كان السواق سبق كتير عنه فالفكرة اذادت صعوبة انى اكلم السواق وعشان كده مقلتلوش

لما رحت الكلية لقيت زميلى اتاخر جدا عما وصل وفاته كتير بسبب المواصلات مع انى كنت ممكن اوفرله وقته بس للاسف انا غلط ساعتها وقلت مش مشكله المره الجاية

بلاش ياعم مواقفي واسمع القصة دى

احمد دكتور مجتهد جدا و حلم حياته انه يسافر امريكا ويكون مشهور جدا .. بقاله 10 سنين بيذاكر بجد وبيتدرب وبياخد دورات ومن كتر ماهو كفء زميله اشرف قال له انت مستنى ايه انت افضل مني انا بنصحك تقدم فى الاختبارات انت مستواك رائع

بس احمد كان فيه ذره خوف من الرسوب فقال لا انا هتدرب اكتر واكتر عشان ابقى متاكد

اشرف رد عليه وقال له يااحمد الحياه مش تجارب وتمارين فقط لازم تخوض التجربة قبل ما سنك يكبر وتقضى عمرك كله بروفات

احمد مازال برده مستمر فى تمارينه وبروفاته

بعد سنه كان اشرف سبقه واتصل بيه من امريكا وقال له مش قلت لك life is not a rehearsal

الخلاصة

حياتك كلها تتلخص فى الموقف اللى انت بتعيشه الان .. ارجوك استغلة افصل استغلال وانتهز انصاف الفرص

بكرة او المره الجاية او وقت تانى او فى المستقبل كلها كلمات مش ملكك خرجها من قاموسك وحط بدالهم ( افعلها الان )

كل يوم جديد ربنا بيمنحه لك بيكون فرصه جديده عشان تحسن مستواك ارجوك مترفضش الهدية وتقول بكره تفرج ( عيش فى حدود يومك وخليه افضل يوم )

ارجوك ارجوك افتكر دايما الحياه مش بروفه لان مافيش غير حياة واحده اللى انت فعلا بتعشها الان

لو مش قادر تفتكرها بالعربي يبقى افتكر life is not a rehearsal

الاثنين، 19 يناير 2009

حدوتة فلسطين لولدي حسن (2)


دخلت الى حجرة حسن فى ساعة متاخرة واذا به ياكل قطعا من البطاطس الشيبسى
حسن : بابا تاخد شيبسى ؟؟؟
وفاجئني بسؤال اخر بعد ان بدا على وجهه الاهتمام
حسن : بابا هى مقاطعة ؟؟ نظرت الى الكيس وقلت له لا يابنى فقال الحمد لله
الوالد : وهل ستظل لا تشترى منتجات اليهود يا ولدى ؟؟؟
حسن : ما حييت ياابى فمن يقتل اخى فى فلسطين هو عدوى ولن اساعدهم بمصروفى على قتل اخواني
الوالد : وكم مصروفك اذن حتى يهتم به اليهود يا ولدي
حسن : ليس مصروفى بمفرد ياابى بل ومصروف زميلى عبد الرحمن وكل زملائي وكل ابناء جيلى وجيلي سيربى ابنائه علي ذلك
الوالد : اذن دعنا نكمل تاريخ ارضك ومقدساتك
حسن : هيا ابي
الوالد : بعد سنه 1920 حدثت صراعات داميه بين اليهود المغتصبين واهل فلسطين
ظلت هذه الصراعات بقيادة الحاج امين الحسينى وعز الدين القسام رحمة الله عليهم واشتدت بعد مقتل الشهيد عز الدين القسام عام 1935
حسن : وكانت لسه قوات بريطانيا موجوده فى فلسطين يابابا؟؟
اه كانت موجوده وكان اليهود بينفذوا عليهم عمليات سطو وقتل زى العرب تماما عشان بريطانيا تسحب قواتها
وبعد الحرب العالمية التانية 1945 قررت بريطانيا ترفع الصراع العربى الاسرائيلى الدائر على ارض فلسطين الى هيئة الامم المتحدة
حسن : وعملت ايه الامم المتحدة ؟؟
الوالد : اصدروا قرار التقسيم
حسن : بيقسموا ارضنا ؟؟
الوالد : شفت البجاحة ؟؟؟ ارضنا وبيقسموها 55% لاسرائيل و45 % للعرب يقيموا فيها دولة فلسطين
حسن : طبعا مصر موافقتش يابابا ؟
الوالد : لا موافقتش ولا اى دولة عربية وافقت بالقرار ( بس اعتقد ياحسن لو كان التقسيم الان كانت مصر وافقت بشدة )
لكن امريكا وافقت وفرنسا وافقت والاتحاد السوفيتى وافق ووافق معاهم 52 دولة كمان على قرار التقسيم
الوالد : عارف الدول الكبيرة وافقت ليه ياحسن ؟؟ عشان الكفر ملة واحده كل الدول تتفرق فى كل شئ الا انها تتجمع على معاداتها للاسلام
حسن : والدول العربية كان رد فعلها ايه ؟؟
الوالد : اجتمعوا كالعادة واصدروا بيانات شديدة اللهجة ورصدوا مليون جنية لمساعدة فلسطين وبداوا فى انشاء جيش سموه جيش الانقاذ للدفاع عن فلسطين
الوالد : وفي 13 مايو وجه حاييم وايزمان رسالة إلى الرئيس الأمريكي ترومان يطلب فيها منه الايفاء بوعده الاعتراف بدولة يهودية ، واعلن عن قيام دولة إسرائيل في تل ابيب بتاريخ 14 مايو، وغادر المندوب السامي البريطاني مقره الرسمي في القدس متوجها إلى بريطانيا ، وفي أول دقائق من 15 مايو انتهى الانتداب البريطاني على فلسطين وأصبح الاعلان عن قيام دولة إسرائيل نافذ المفعول ،
الوالد : عارف اول دولة اعترفت باسرائيل مين ؟؟
حسن : امريكا بعد 10 دقائق من الاعلان
الوالد : احسنت
وساعتها اصبحت الحرب بين دولة إسرائيل ( المزعومة )والدول العربية المجاورة.
حسن : ياه يعنى مكنوش بيهزروا لما قالوا هنعلن دولة اسرائيل بعد 50 عام لما قالوا كده فى مؤتمر بازل
الوالد : اه ياحسن مش بيهزروا وعارفين هما بيعملوا ايه
حسن : وبعد الاعلان عن دولة اسرائيل ؟؟
الوالد : تحرك المتطوعون من كل مكان فى الدول العربية لحرب اليهود فى فلسطين وتحرك 10 الاف متطوع من الاخوان المسلمين
ابتسم حسن ابتسامة خبيثة وقال
لكنى لم اسمع عن حروب الاخوان فى فلسطين فى كتاب التاريخ ياابى
الوالد : معك حق ياولدى لكن اللى وضع لك المنهج فى كتاب التاريخ هو نفسه اللى بيكدب عليك فى الاعلام والاخبار وهو نفسه اللى بيزور الانتخابات وهو نفسه اللى بيسرق وينهب من الشعب ويحط فى بنوك سويسرا وهو اللى ايده ملوثة بدماء العبارة وقطر الصعيد
يابنى الفرق شاسع بين كتابه التاريخ والتاريخ الحقيقى يريت تشوف اللــــــيـــــنـــــــك ده عشان تعرف التاريخ صح
عارف ياحسن ؟؟
انا شخصيا جلست مع اخ من الاخوان كان متطوع فى كتائب الاخوان سنه سنه 48
حسن : بنظرة اندهاش . وماذا قال ومتى جلست معه ياابي؟؟
جلست معه فى عام 2006 عندما كنت طالب بكلية الطب
حكى لنا بطولات الاخوان وماذا قدموه وكيف انهم كانوا على وشك القضاء على اسرائيل لولا تدخل الانظمة العربية فى حرب 48 بالاسلحة الفاسدة
حسن : بابا ممكن تحكيلى موقف حصل معاه ؟؟
الوالد : ذهب هذا الرجل فى عام 2003 للكشف عند طبيب باطنة
فقال له الحاج عويس عبد الملك الخطيب انه اصيب فى بطنه ب 7 طلقات منذ حرب 48 وتم معالجتهم وقتها
وبعد فحص الطبيب قال للحاج عويس ( انا نفسى اعرف انت عايش ازاى بالجهاز الهضمي اللى واخد 7 طلقات ده )
رد عليه الحاج عويس اصل يا دكتور انا كنت بدافع عن ارض المسلمين مش كنت بدافع عن عزبة ابويا عشان كده ربنا اكرمني وعايش
ضحك حسن بصوت عالي ولما لا؟؟؟ فمن حقه ان يضحك تيها وفخرا لما فعلا اجدادة من الاخوان المسلمين وغيرهم على ارض فلسطين من بطولات
الوالد : سنه 1978 قامت حركة المقاومة الاسلامية (حماس) ومعاها قامت الانتفاضة الاولي
ونتيجة للصراعات ونتايج الانتفاضة اقيمت معاهدة اوسلو عام 1993 تنص على قيام سلطة وطنيه فلسطينية ومجلس تشريعى منتخب قى الضفة وغزة
في عام 1997 تم الإتفاق بين منظمة التحرير الفلسطينية وإسرائيل على ما عرف بإسم إتفاق الخليل الذي ترتب عليه إنسحاب القوات الإسرائيلية من مناطق مأهولة بالفلسطينيين وبقاء مناطق تحت السيطرة الإسرائيلية في البلدة القديمة والطرق المؤدية إليها .
كانت بداية انتفاضة الاقصى في تاريخ 28/9/2000 ردة فعل شعبية على دخول ارئيل شارون أحد باحات المسجد الاقصى المبارك.
وعام 2006 إقيمت الإنتخابات التشريعة الثانية في الضفة الغربية وقطاع غزة، أسفرت عن نجاح حركة حماس بالأغلبية النيابية في المجلس التشريعي الفلسطيني، وتعرض الفلسطينيون بعدها لضغوط دولية
وبعد كده عملوا تهدئة 6شهور بين حماس واسرائيل يتم من خلالها ايقاف وقف اطلاق الصاوريخ من جهه حماس على ان يتم فك الحصار الاقتصادى عن غزة وتدخل الضفة فى حيز التهدئة بعد ذلك
بعد ما خلصوا الست شهور لم يتم فك الحصار فردت حماس بصواريخ القسام وبدات اسرائيل تقصف غزة جوا فى اجبن حرب خاضتها اسرائيل فى تاريخها عشان يقضوا على حماس والمقاومة
والله متم نوره ولو كره الكافرون
الخلاصة
اذا كان القصف على غزة قد اوشك على الانتهاء الا ان حروبنا مع اليهود لم تنته
حروبنا حروب عقدية ندافع عن مقدساتنا وارضنا فالله موالانا ولا مولي لهم وكم من فئة قليلة غلبت فئة كثيرة باذن الله والله مع الصابرين
قاعدة فقهية
اذا تعرضت ارض من اراضى المسلمين للاحتلال وجب على كل المسلمين من مشارق الارض ومغاربها ان يفتدوها باموالهم وانفسهم الى اخر قطرة دم منهم
واخيرا وعلى سبيل الامانة
عندما جلست مع الحاج عويس عبد الملك الخطيب والذى تجاوز ال90 من عمره وبعد ان قص لنا حروبه فى فلسطين والشيشان ايضا طلب من الحضور جميعا طلبا وعيناه تقطر دمعا ان ندعوا له دعوة فى جوف الليل ان يموت شهيدا فى ارض المعركة فهذه امنيتة وما ذلك على الله بعزيز
اللهم لاتحرمه الشهادة يارب العالمين وياارحم الراحمين
موضوعنا القادم مهم انتظرونا

الاثنين، 12 يناير 2009

حدوتة فلسطين لولدي حسن


حسن : يلا يابابا عشان تحكيلى حدوتة زى كل يوم عايز حدوتة جديدة يابابا
الوالد : ماشى يا حسن حدوتة الليلة فعلا حدوتة جديدة اول مره تسمعها ولازم تسمعها وتعرفها وتحفظها
بس بشرط متنمش منى زى كل ليلة
حسن : ماشي يابابا
حسن : صلى على النبي يا حسن
حسن : صلى الله عليه وسلم
الوالد : كان فى زمان جماعة من اليهود مرتزقة مالهمش وطن وكان نفسهم فى اى مكان يعيشوا فيه
حسن : وبعدين يابابا
الوالد : عملوا مؤتمر بازل سنة 1879م فى سويسرا حضر فيه 205 عضو يهودي ممثلين ل15دولة على مستوى العالم
حسن : واتفقوا على ايه يا بابا فى المؤتمر
الوالد : اتفقوا انهم يحددوا وطن لليهود يروح فيه كل يهود العالم عشان يقوا الشعور اليهودي ويكونوا قوة واحدة
كان المؤتمر بنوده سريه بس اتعرفت بعد كده انهم لازم يعلنوا وطن لليهود بعد 50 سنه وفعلا اعلنوها سنه 1948
حسن : كان فين يابابا الوطن ده
الوالد : من النيل للفرات يا حسن بس مبدئيا كانت محطتهم الاولي فلسطين
حسن : يعنى هما هيجوا يحتلوا مصر عشان يحققوا حلمهم يابابا
الوالد : ناوين يا حسن بس فى حاجات لو احنا عملناها مش هيقدروا يحتلونا يا حسن
حسن : زى ايه يابابا
الوالد : انا اقولك يا سيدي
انت صليت النهارده الخمس صلوات ؟
حسن : فى جماعة يابابا
طيب حفظت اللى عليك من القران ورحت للشيخ
حسن : اه يابابا
طيب عملت الواجب اللى عليك وذاكرت للمدرسة ؟؟
حسن : اه يابابا
الوالد : لو فضلت علطول كده يا حسن انت واصحابك كلهم وجيلك كله مش هيقدروا يحتلونا يا حسن
حسن : حاضر يابابا اوعدك اعمل كده كل يوم بس هما يعرفونى يابابا وعارفين ان انا يوم مش اصلى وابعد عن القران ودراستى يحتلونا
الوالد : اه ياحسن عارفين كل واحد مننا هما فاهمين اننا كلنا شبه خالد بن الوليد وصلاح الدين الايوبى عشان كده مستنين اما يبعدوك انت وجيلك عن القران والصلاة ودراستك يقوموا يحتولنا
حسن : اوعدك يابابا مش هيحتلونا
حسن : بس الحمد لله انهم بعيد فى فلسطين لسه مش عندنا
الوالد : يا حسن دى ارضك زى مصر بالضبط اوعى تقول كده تاني
حسن : بس انت قلتلى ان وطنك مصر يابابا مش فلسطين
الوالد : بص يا حسن انت اتولدت فى مصر عشان كده لازم تحبها بس اى بلد مسلم دى بلدك برده اى مكان عليه رايه لا اله الا الله محمد رسول الله لازم تدافع عنه لانك لو مدافعتش عنه اليهود هينزلوا الرايه دى ويحطوا راية الشيطان سول لهم )
لازم تحفظ بيت الشعر ده وتتعامل بيه
أبي الإسلام لا أبا لي سواه إن افتخروا بقيس أو تميم.
حسن : صح يابابا عشان سيدنا محمد صلى الله عليه وسلم قال
" المسلم أخو المسلم لا يظلمه و لا يسلمه و من كان في حاجة أخيه كان الله في حاجته و من فرج عن مسلم كربة فرج الله عنه بها كربة من كرب يوم القيامة و من ستر مسلما ستره الله يوم القيامة ".
الوالد : احسنت
حسن : بس يابابا عبد الرحمن زميلى بيقول لى انهم باعوا ارضهم لليهود وهما اللى سابوا وطنهم
الوالد : قل له يا اللى باع يا عبد الرحمن كان نسبته من الشعب لا تتجاوز 2%
وقل له كمان هو ينفع اعاقبك ياعبد الرحمن على حاجه غلط عليها جدك ؟؟
الجيل اللى فلسطين الان مش هو اللى باع واللى اتباع 2% يبقى ليه نعاقبهم على حاجه معملوهاش
حسن : صح كلامك يابابا
حسن : وبعد المؤتمر يابابا ؟؟
الوالد : سنه 1917 بعت وزير الخارجية البريطانى ( ارثر بلفور) الى الاتحاد الصهيونى برسالة كان مكتوب فيها
"إن حكومة صاحب الجلالة تنظر بعين العطف إلى تأسيس وطن قومي للشعب اليهودي في فلسطين، وستبذل غاية جهدها لتسهيل تحقيق هذه الغاية، على أن يفهم جلياً أنه لن يؤتى بعمل من شأنه أن ينتقص من الحقوق المدنية والدينية التي تتمتع بها الطوائف غير اليهودية المقيمة الآن في فلسطين، ولا الحقوق أو الوضع السياسي الذي يتمتع به اليهود في البلدان الأخرى".
وسمو الوعد ده وعد من لايملك لمن لا يستحق
حسن : وبعدين يابابا
الوالد : دخلت جيوش الاحتلال البرطانى بقيادة اللنبي من مصر لاحتلال فلسطين عشان بعد كده تقدر بريطانيا تسلم فلسطين لليهود على طبق من فضة
وساعتها قال اللنبي ( اليوم انتهت الحروب الصليبية )
ودى كانت اكبر عملية سرقه عرفها التاريخ سرقة وطن
وفى سنة 1920 احتل الجنرال غورو سوريا ودخل دمشق بعد ماانتصر فى معركة ميلسون الشهيرة وبعد ما دخل دمشق راح لقبر صلاح الدين الايوبي وقال له
بعد ما ركل القبر بقدمه ها قد عدنا ياصلاح الدين
حسن ؟؟
حسن ؟؟؟؟؟؟
نمت يا حسن ؟؟؟؟؟؟؟
مش قلت مش هتنام
انقلب على الجهه الاخرى ولسان حاله نكمل بكره يابابا
فكان لسان حالى فعلا لازم نكمل الحدوتة للاخر عشان تعرف تاريخك
ماهو ياحسن لو معرفتش تاريخك مش هتعرف حاضرك ولا مستقبلك
نكمل بكره ولما تصحى بص للخريطة وشوف بلادك عشان تعرف انت هتحافظ على ايه
تصبح على خير ياولدي
الخلاصة
* ياريت نعرف تاريخنا ونعرف اجدادنا وازاى دافعوا عن اسلامنا وعن ارضنا من اول سيدنا محمد صلى الله عليه وسلم لحد النهارده عشان نعرف ان الدين وصلنا على رقاب واشلاء الشهداء مش على طبق من فضة
*بسم الله الرحمن الرحيم ان الله لا يغير ما بقوم حتى يغيروا ما بانفسهم صدق الله العظيم
*مش بس نفسى ربنا يرزقنى بولد واسميه حسن .. لالا نفسى اربيه تربية صح ونفسى كل الناس تربى اولادهم على حب الجهاد ومعرفة اجدادهم العظماء امثال خالد بن الوليد وصلاح الدين رضى الله عنهم مش عمرو دياب وعادل امام
دورك كبير اوي بس لازم يكون عندك دافع ( ستملك الدنيا بشرط واحد. فقط هو اذا اردت ان تملكها )
*مشى الطاووس يوما باعوجاج فقلّد شكل مشيته بنوه
*فقال علام تختالون ؟ قالوا بدأت به ونحن مقلدوه
*فخالف سيرك المعوج واعدل فانا ان عدلت معدّلوه
*أما تدري أبانا كلّ فرع يجاري بالخطى من ادبوه
*وينشأ ناشيء الفتيان منّا على ما كان عودّه ابوه .

الخميس، 25 ديسمبر 2008

الخريطة الذهنية



فى مثل صينى بيقول ((الصورة الواحدة تساوي الف كلمة ))

ممكن نملة توصل من جذر شجرة لأبعد فرع فى الشجرة صح؟؟ بس مش ممكن او صعب جدا توصل نفس النملة من ابعد فرع للجذر ...
ياترى تفكيرنا بيكون ازاي ؟؟ بيبدأ من مركز الموضوع وبعدين يتشعب من الاهم للاقل اهمية ولا نبدأ تفكيرنا بطريقة عشوائية من اى محطة وبعدين نبقى ندور على المركز واهم نقطة؟؟
ولا مش بنبدأ خالص !!!!

الحقيقة موضوعنا موضوع مهم جدا لاسلوب التفكير لكن انا بخص بالذكراخوانى واخواتي زمايلي فى كلية الطب واى طالب عايز يتفوق



احنا عايزين نستخدم الخريطة الذهنية فى المذاكرة مش عشان فوايدها اللى هنذكرها بس لا عشان هتشجعنا كمان على المذاكرة بس ياترى ايه فكرة الخريطة الذهنية؟


العقل مشع يعنى بيحب يحط الفكرة المحورية (الموضوع )فى مركز الفراغ ويخرج منها افرع وخيوط انسيابيه وكل فرع عليها افكار فرعيه وكل فرع يخرج منه فرع اصغر منه عشان تتبلور الفكرة فى الدماغ مثل الشجرة

الخريطة الذهنية

هي طريقة لترتيب المعلومات وتمثيلها على شكل أقرب للذهن كما يشير توني بوزان، صاحب هذه الفكرة. وهذه الطريقة تعمد إلى رسم خريطة أو شكل يماثل كيفية قراءة الذهن للمعلومة، حيث يكون المركز هو الفكرة الأساس. ويتفرع من هذه الفكرة فروع على حسب الاختصاص أو التصنيف أو التوالي.

الخريطة الذهنية لها ثلاثة أسس
1* الصورة فهي تعتمد على الرسم والصورة حيث أن 80% من تذكرنا للمعلومات هو عن طريق الصورة
2* فصي الدماغ – الفص الأيمن والفص الأيسر وسنتكلم عنها
3* الخلية والروابط - حيث يوجد بدماغ الانسان 1000 مليار خلية

فصي الدماغ

تكون مخ الإنسان من فصين أيمن وأيسر.
الفص الأيمن فإنه يحب أو يتفاعل أكثر مع:
•الإبداع
•الخيال
•الموسيقى
•الألوان
•الخطوط المنحنية
•الرسم

أما الفص الأيسر فانه يحب أو يتفاعل أكثر مع
•التكرار
•المنطق
•اللغة
•الرياضيات
•الكتابة
التفاصيل
ملاحظين ان الحفظ والتخزين فى الفص الايسر والتخيل والصور والابداع فى الفص الايمن انتوا عارفين لو عايزين تستخدموا الفصين اعملوا الخريطة الذهنية
يقول د.نجيب الرفاعي:
" إن التعود على هذا النمط الجديد في المذاكرة و الدراسة سوف يحسن بلا أدنى شك من أداء الطالب في الإمتحانات و يضمن له الدرجات بصورة سهلة و ميسرة "

و يقول د.طارق السويدان :
" الخريطة الذهنية بسيطة جدا جدا , و أنا شخصيا دائما أستخدمها من كتابة الكتب إلى إعداد ألبوماتي , لا يوجد ألبومي عندي إلا و له خريطة ذهنية , حتى يمكنك أن تصمم بها مدخل بوابة شركتك على سبيل المثال "

و يقول د.صلاح الراشد:
" الآن أصبح من البدائية أنك تكتب أوتلخص موضوع بواسطة المفكرة و القلم , الآن هو وقت الخريطة الذهنية "

لماذا الخريطه الذهنية :
* تعطيك صورة شاملة والأفكار الرئيسية عن المادة المقروءة في ورقة واحدة.
* تضع كلمات رئيسية أو صور رمزية في ورقة واحدة
* ترى الموضوع كاملا في ورقة واحدة وترى الروابط بين المواضيع وكذلك سترى الموضوع بصورة أكثر شمولية يعني كل شئ في ورقة واحدة
* عندما تحضر لإلقاء كلمة سترى الموضوع الرئيسي والمواضيع الفرعية وبالتالي تعطيك صورة واضحة المدة التي ستتكلم بها
* صياغة الموضوع بأسلوبك و بأفكارك أنت وبالتالي سيكون سهل التذكر
* ستفاجأ بكمية المعلومات التي يمكن ان تتذكرها عن هذا الموضوع مما يغنيك عن كثير من الاوراق.

طريقة عمل الخريطة الذهنية
• ابدأ من المنتصف صفحة بيضاء ويفضل أن تكون غير مسطرة وابدأ بالموضوع الرئيسي مستخدما على الأقل 3 ألوان.
* استخدم صور أو رموز أو رسومات في أثناء رسمك للخريطة.
* اختر الكلمات الرئيسية واستخدم الخطوط السميكة للمحاور الرئيسية والخطوط الاعتيادية للمحاور الفرعية.
* كل كلمة أو رسمة يجب أن تكون على خط لوحدها.
* الخطوط يجب أن تكون متصلة مبتدأ من منتصف الصفحة وكذلك الخطوط الرئيسية تكون بدايتها سميكة وتنتهي بخطوط رفيعة.وتكون مائلة
* اجعل الكلمة بطول الكلمة أو بطول الرسمة
* استخدم الألوان كما تحب خلال رسمك للخريطة
* طور اسلوبك الخاص لرسم الخريطة الذهنية
* شدد وأظهر الروابط الأفكار مع بعضها البعض
* اجعل خريطتك واضحة ومرتبة وسهلة
من حق صحيح لازم تراجع اى خريطة تعملها كتيير مش تعملها وترميها ( اللهم بلغت )
(واخيرا هذة مقدمة معظمها مقتبسة من كتب ومواقع علماء عن الخرائط الذهنية فقط كل ماعليك ان تبحث فى جوجل عن الخريطة الذهنية)

ودى شوية خرايط من مذاكرة السنة اللى فاتت

دى خريطة درس الdyspnea

دى خريطة تلخيص chest pathology

دى خريطة كتاب chest clinical

خريطة FUO

خريطة lung abcessجات فى الامتحان وكتبتها زى ماهيا كده

واخيرا خريطة كتاب جدد حياتك بس ده مش انا اللى عامله

وان شاء الله انزل غدا خريطة جراحة لبرانشthyroid
الخلاصة

*بالخريطة الذهنية انت بتعطي للمخ الصورة جاهزة زى ما هو عايز يستقبلها وبالتالى هتريحه وتفتكرها بسهوله لانك لو اعطيته المعلومات فى صورة كلمات وسطور فوق بعضها زى الكتب هيكون صعبه على المخ وهيقعد يترجم فيها ويحطها فى القالب اللى على مزاجه وبرده هيبلورها بطريقة الشجرة عشان يقدر يتذكرها بس كده هتحتاج وقت كبير جدا للاستيعاب وهتستوعب معلومات اقل
*الخريطة الذهنيه بتربط المعلومات مع بعضها وبتساعدك تستخدم عقلك بالكامل بالتحليل والتخزين والابداع والصور
وافتكر دايما صورة واحده تساوى الف كلمة

الخميس، 18 ديسمبر 2008

السباق


فى البداية بحب اعتذر عن تاخر المواضيع لظروف كتيرة أهمها انى كنت بحضر موضوع مهم جدا هينفعنا كتير كطلبة وبالذات طلبة طب بتوح الصم والحفظ والتسكيم بس اعذرونى مضطر اأخره كمان اسبوع عشان عايز اتكلم عن هزيمة الأهلي وهعلق على اللى حصل للاهلى بقصة وهاسيب لكم التعليق فى الاخر
السباق

يذكر في قديم الزمان أنه

كان هناك فريق عربي للتجديف على القوارب

اتفق العرب واليابانيون على القيام بسباق سنوي للتجديف ، على أن يتكون كل فريق من ثمانية أشخاص

عمل كلا الفريقين جاهدا للاستعداد بشكل جيد، وعند اليوم المحدد

للسباق كانت تجهيزات الفريقين متشابهه.... ولكن

اليابانيين فازوا في السباق بفارق ميل واحد

غضب العرب كثيرا ، وانفعلوا وتعكر مزاجهم ،

مما جعل المدير الأكبر يقرر بأنه يجب أن يفوز بالسباق في السنة القادمة .... لذا

قام بتأسيس فريق من المحللين لملاحظة ومراقبة السباق وتقديم

الحلول المناسبة

وبعد تحاليل عديدة مفصلة اكتشفوا بأن اليابانيين ، كان لديهم 7 أشخاص

للتجديف وكابتن واحد

وبالطبع كان لدى الفريق العربي 7 أشخاص كلهم كابتن

وهناك شخص واحد يتولى عملية التجديف

حينها أظهرت الإدارة العربية حلاً حكيماً وغير متوقع ، لمواجهة مثل

هذا الموقف الحرج

فقاموا بالاستعانة بشركة استشارات متخصصة لإعادة هيكلة الفريق العربي

وبعد شهور عديدة توصل المستشارون إلى مكمن الخلل

وهو وجود عدد كبير من الكباتن وعدد قليل من المجدفين

في الفريق العربي، وتم تقديم الحل بناءاً على هذا التحليل

وهو أنه ينبغي تغيير البنية التحتية للفريق العربي

وانطلاقا من اليوم سيكون هناك 4 كباتن في الفريق يقودهم مديران

بالإضافة إلى مدير رئيسي أعلى

ويكون هناك شخص واحد للتجديف، وبالإضافة إلى ذلك اقترحوا

أن يتم تطوير بيئة عمل الشخص المجدف، وأن

يقدموا له حوافز أعلى

في السنة التالية فاز الفريق الياباني بفارق 2 ميل

قام الفريق العربي باستبدال الشخص المسئول عن التجديف فوراً ،

بسبب أداءة غير المرضي

وتم تقديم مكافأة تشجيعية للإدارة، نظراً

لمستواها العالي الذي قدمته خلال مرحلة التحضير !!!!!!!!!!!


قامت شركة الاستشارات بتحضير تحليل جديد

أظهر بأن الاستراتيجية كانت جيدة،

الحوافز كانت مناسبة

ولكن الأدوات المستخدمة يجب تطويرها


حاليا يقوم الفريق العربي بتصميم قارب جديد


ولا تزال هناك اسئلة تدور فى مخيلتى اسعى لحلها من وجهة نظري وهي...........

هل ما حدث للاهلى كبوة كما ان لكل جواد كبوة ؟؟

ام ما حدث له انتكاثة مسؤول عنها بعض المسؤولين ؟؟

ومن المسؤول الحقيقى عنها؟؟

وهل الادارة قادرة على تحليل الاخطاء والخروج مبكرا من هذه الانتكاثة ؟؟

واخيرا تري ما هى كيفية العقاب والعلاج ؟؟

برايي قد تختلف الاجابات بيننا ولكن اعتقد انها قد تتوحد عندما نوجه الاسئلة لادراتنا الاسلامية والعربية


الموضوع القادم مهم تابعونا



الثلاثاء، 25 نوفمبر 2008

خطة التنفيذ


كانت بداية حياته واضحة ومكتوبة بخط يده كتب فيها ( اريد ان يدخل الحاسب الي كل بيت ) هذا ما سعي له وحققه فعلا اتدرون من هو ؟؟
هو بيل غيتس صاحب شركة ميكروسوفت الرائدة ... والان فعلا الحاسب فى كل بيت
ولنا فى رسول الله صلى الله عليه وسلم اسوة حسنة عندما قال (اني لأري قصور كسري وقيصر )وهو فى أحلك الظروف فى بناء الخندق حتى قال احدهم يعدنا بقصور كسري وقيصر ولا يامن احدنا بولته ( اى يقضى حاجته )
لان النبي (صلى الله عليه وسلم) لم يعبأ بالواقع المرير واهتم بتنفيذ خطته ومن وراءه الصحابة حفظوا كلامه وايقنوا بكلامه ولا عجب ان تجد خطة الرسول والصحابة مكتوبة فى القران والسنة
السؤال
هو لازم اكتب خطة حياتي يعنى؟؟
اه لازم لازم لازم وهو ده الفرق بين بيوت الرمل وبيوت الواقع

ولازم تكون خطة تنفيذ لاهدافك على المستوي البعيد (سنه او يزيد ) وعلى المستوى القريب ( شهر او اسبوع )
ولازم تحدد انت عايز تعمل ايه فى حياتك الروحية وحياتك العلمية وحياتك الاجتماعية وحياتك المادية
ملحوظة
وضع الدكتور صلاح الراشد خطة لحياته على المستوي البعيد لمدة 500 عام قادمين !!! بتقول كام ؟؟ 500 عام مش 50
يعنى هو مش عارف انه مافيش حد بيعيش 500
فعلا محدش بيعيش 500 عام ولكن الخطة تعيش ........... وعلشان كلام الله ( انا عند ظن عبدى بي فليظن عبدى بى ماشاء )
هتلاقيك حققت معظم اللى فى الخطة بتاع 500 عام فى 50 عام او اقل
دا مش كلامى ده كلام د صلاح الراشد
فاكرين الدراسة اللى اجرت على مائة طالب ؟ لما وجدوا ان تلاته فقط يمتلكون بعد 10 اعوام اكثر من مايمتلكه ال 97 عشان فقط كانوا كاتبين اهدافهم ومحددنها
الي خطة التنفيذ
لماذا الكتابة ؟؟
*حتي يكون لديك اهداف محددة ومكتوبة تستحق ان تعيش من اجلها
*لانى عندما اكتبها فان الاعصاب المرتبطة باليد والدماغ والمتصلة بمركز الاحساس ترسل اشارات للاحتفاظ بهذة الافكار دون نسيانها

لونها بالالوان !! لماذا ؟؟
*لان الالوان تحفز الدماغ وتجعل العقل يشعر بالراحة فالعقل يستطيع تحديد الالوان والصور بكفاءة اكبر من الحروف
راجعها من حين لاخر
*لابد ان ارجعها كل يوم او كل اسبوع . ضعها فى مكان مميز فى حجرتك

لماذا أراجعها ؟؟

*لان العقل اللاواعي يقوم بدراستها وتفصيلها والتهيؤ للقيام بالاهداف الموجودة بالخطة من لحظة كتابتها وحتى ميعاد مراجعتها
*اذا كانت رسالتي تفوق قدراتي فان العقل اللاواعي يقوم بدراستها ومراجعتها ويطرد منها ما لايتناسب دون ان تشعر

ازاى يعنى العقل اللاواعي هيشتغل دون ان اشعر؟؟

لان العقل اللاواعي يدير كل الوظائف اللاارادية مثل التنفس وحركة الرمش تلقائيا

يارب يارب تكون فكرتي وصلت

دي خطة مبسطة كده عملتها اليوم (سنوية)قابلة للتغيير والاضافة اسال الله ان ينفع بى وبكم وبهذه الخطة

هيا لننزل اهدافنا من اوراقنا المكتوبة الي ارض الواقع حتى لا تكون بيوت من الرمل
يقول رسول الله صلى الله عليه وسلم ( انما بعثت لاتمم مكارم الاخلاق )وعندما سئلت السيدة عائشة رضى الله عنها عن خلقه قالت (كان خلقة القران )
الخلاصة
*من اعظم الاساليب للنجاح وتغير الاخرين ان تكون قدوة
*ان العالم يفسح الطريق الي المء الذى يعرف الي اين هو ذاهب
*ان مايسعي اليه الانسان السامي يكمن فى ذاته هو اما الدنئ فيسعى لما فى يد الاخرين
*وتذكر دائما ان الناس فى الفطرة متساوون فى الفعل مختلفون
تحديث هام (اعتذار واجب )
طلب الاخ الفاضل د احمد سعيد بسيوني بالتحدث عن رحلة الاسكندرية وسرد خواطري
طلبت الاخت الفاضلة د رنا دغيدي الاجابة على تاج ابلة نظيرة
وارجو منى ان تقبلوا عذري فى عدم التلبية لاسباب قد تخص مدونتي المتواضعة لكم منا جل التقدير والاحترام