اليوم الثاني
طابور الجرى: افضل فقرات المعسكر... لفة جرى حول المعهد ... *اتفقت مع احمد مختار على عدم الجرى مره اخرى وفعلا مجرناش وكانت مشكله كبيرة
(شافنا مشرف من المعهد صغير السن وجالنا وبيزعق لنا سكتنا خالص لاننا غلطانين لحد ماقال دى صياعة.. قلت له لا متغلطش .. قال لى انت لازم تسمع الكلام.. قلت له اللى بيخلينى اسمع الكلام الاحترام المتبادل لما تغلط مافيش احترام .. فضل يزعق فجأه بادرته بسؤال .انت مواليد كام يا كابتن مصطفي ؟؟... غضب اكتر وكان واضح انه تقريبا اكبر منى بسنه او اتنين لانه خريج تربيه رياضية المهم لما عرف انى فى 6 طب بقينا حبايب ولمينا الدور )
الافطار:فخم كالغذاء والعشاء ...تذكرت المقولة (من صحت بدايته صحت نهايته)
وقلت يبقى اكيد من صح افطاره صح غذائه صح عشائه (وياعجبي)
المحاضرات حاضرنا نائب رئيس الجامعة ا د / عاطف علم الدين عن تطوير العملية التعليمية
*سقفنا 36 مرة فى محاضرة لم تتجاوز الساعتين
ما اعجبنى ...الاسئلة كانت غير مشروطة وغير مقيدة على عكس ماتوقعت فى معسكر يضم نخب الحزب الوطني
الحلقات النقاشية عن المواطنة والانتماء والفرق بينهم وبما ان عضو الحزب الوطنى يعتبر البلد زى عزبة باباه فبالتالي هو اكثر الناس مواطنة والمعني فى بطن الشاعر
*المفاجأة جولة حره لمشاهدة مباراة مصر ورواندا حيث ردد مسؤول المعهد فى الطابور يلا عملنالكم الجولة الحرة عشان تتفرجوا على الماتش .........ثم اردف قائلا ( كله عشان مصر ) اه والله مابكدب قال كده
اليوم الثالث يوم الخدمة العامة
ذهبوا بفوج جامعه طنطا الى حديقة وطلبوا منا نظافتها
اخذنا (المقشات والفرش وباقى الادوات ) من عمال النظافة وبدأنافى العمل . وللعلم كانت افضل فقره استمتعنا بها وعملنا بجد واخلاص فيها
بصيت لعامل من العمال وقلت له ماهو انتم لو بتشتغلوا كل يوم بضمير مكناش تعبنا كده فى الحديقة
ضحك وقال لى انت فى سنه كام يابنى ؟؟
قلت له 6 طب
فجاة الابتسامة راحت وقال لى يادكتور متبهدلش نفسك اقعد.. اجيب لك شاى ؟؟
قلت له دا انا اكتشفت مواهب جديده فى نفسى ياعم الحاج سبنى اشوف شغلى
حط انت تعليق على الصورة
الانشطة الثقافية والرياضية
اختارنى المشرف الطالب المثالى وانا فى الحقيقة اقل الفوج فى كل شئ واللى عايز ينضم لاى نشاط ينضم براحته وبدون اى اختبارات عشان كده مفلحناش فى حاجة ( عرفت ساعتها مصر مش بتحصد ولا ميدالية فى العاب البحر المتوسط ليه )
اليوم الرابع
بقالنا 3 ايام ولسه مشترناش حاجه ولا اتفسحنا
لبست انا واحمد مختار ونزلنا ودبرنا خطة للهروب رغم وجود 3 حراس على البوابة و2 مشرفين الجامعه فى فناء المعهد وقف 5 من جامعه المنيا على السور بجوار البوابه يكتبون ايه قرأنية على جدار السور
زعقت بصوت عالى لهم وقلت لهم بيقول لكم المشرف لازم نشكل الايه القرانية ونعمل برواز على الاية ففهم الحراس اننا معاهم وسابونا نقف معاهم
قال احدهم انتو مين قلت له احنا عايزين نخرج فهنقف شوية كده معاكم عما يطمنوا لنا خالص وبعدين نطلع
قال لى بصوت عالى محمد هات لى علبه بوية من بره بسرعه عشان نكمل الكتابه قلت له حاضر ولقيت احمد مختار بيقول لى استنى جاى معاك وخرجنا من البوابه امام الحراس كافضل مايكون
لم تفلح هذه الخطة مع بسيونى وعبد ربه وحسب الله فلجأوا الى خطة جديدة
ذهبوا للمطبخ وشالوا براميل القمامة وخرجوا من البوابة بحجه رمى القمامة بعيدا عن المعهد وبالفعل خرجوا
عرفنا (بضم العين وكسر الراء )بعد ذلك على مستوي الجامعه ( المطاريد بتوع البوية ) و ( المطاريد بتوع الزبالة )
بتوع الزبالة رجعوا الساعه 12 واحنا رجعنا الساعه 1 ونص
فوجئنا باجراءات ضدنا حيث المنع من المكافئة وسحب التريننج (هدية من المعهد) ومنع من الخروج لرحله الشاطئ تانى يوم واصبحنا اشهر 5 على مستوي الجامعات
التميز شئ جمييل جدا حتى لو كان فى عمل خاطئ تخيل لو تميزنا فى عمل نافع بقى
كنت حاسس باستمتاع وانا متميز حتى لو كان تميز فى الهروب ومخالفة النظام ساعتها فهمت ان حتى المجرمين (فتح الراء وتشديدها) قانونيا فى لذة كبيرة لانهم متميزين.( مش عارف انا قادر اوصل الخاطرة ولا لا )
منعنا فعلا من المكافئة والتريننج ولكن ذهبنا الى رحله الشاطئ بعد اعتراض بعض الزملاء على منعنا
الحقيقة كله اعترض على منعنا وطالبوا المشرفين اننا نروح معاهم الا بنت واحده و3 صبيان
السؤال بقى لو انت معانا كنت هتوافق منعنا من الشاطئ ولا هتطلب اننا نيجى معاك الشاطئ؟
طابور الجرى: افضل فقرات المعسكر... لفة جرى حول المعهد ... *اتفقت مع احمد مختار على عدم الجرى مره اخرى وفعلا مجرناش وكانت مشكله كبيرة
(شافنا مشرف من المعهد صغير السن وجالنا وبيزعق لنا سكتنا خالص لاننا غلطانين لحد ماقال دى صياعة.. قلت له لا متغلطش .. قال لى انت لازم تسمع الكلام.. قلت له اللى بيخلينى اسمع الكلام الاحترام المتبادل لما تغلط مافيش احترام .. فضل يزعق فجأه بادرته بسؤال .انت مواليد كام يا كابتن مصطفي ؟؟... غضب اكتر وكان واضح انه تقريبا اكبر منى بسنه او اتنين لانه خريج تربيه رياضية المهم لما عرف انى فى 6 طب بقينا حبايب ولمينا الدور )
الافطار:فخم كالغذاء والعشاء ...تذكرت المقولة (من صحت بدايته صحت نهايته)
وقلت يبقى اكيد من صح افطاره صح غذائه صح عشائه (وياعجبي)
المحاضرات حاضرنا نائب رئيس الجامعة ا د / عاطف علم الدين عن تطوير العملية التعليمية
*سقفنا 36 مرة فى محاضرة لم تتجاوز الساعتين
ما اعجبنى ...الاسئلة كانت غير مشروطة وغير مقيدة على عكس ماتوقعت فى معسكر يضم نخب الحزب الوطني
الحلقات النقاشية عن المواطنة والانتماء والفرق بينهم وبما ان عضو الحزب الوطنى يعتبر البلد زى عزبة باباه فبالتالي هو اكثر الناس مواطنة والمعني فى بطن الشاعر
*المفاجأة جولة حره لمشاهدة مباراة مصر ورواندا حيث ردد مسؤول المعهد فى الطابور يلا عملنالكم الجولة الحرة عشان تتفرجوا على الماتش .........ثم اردف قائلا ( كله عشان مصر ) اه والله مابكدب قال كده
اليوم الثالث يوم الخدمة العامة
ذهبوا بفوج جامعه طنطا الى حديقة وطلبوا منا نظافتها
اخذنا (المقشات والفرش وباقى الادوات ) من عمال النظافة وبدأنافى العمل . وللعلم كانت افضل فقره استمتعنا بها وعملنا بجد واخلاص فيها
بصيت لعامل من العمال وقلت له ماهو انتم لو بتشتغلوا كل يوم بضمير مكناش تعبنا كده فى الحديقة
ضحك وقال لى انت فى سنه كام يابنى ؟؟
قلت له 6 طب
فجاة الابتسامة راحت وقال لى يادكتور متبهدلش نفسك اقعد.. اجيب لك شاى ؟؟
قلت له دا انا اكتشفت مواهب جديده فى نفسى ياعم الحاج سبنى اشوف شغلى
حط انت تعليق على الصورة
الانشطة الثقافية والرياضية
اختارنى المشرف الطالب المثالى وانا فى الحقيقة اقل الفوج فى كل شئ واللى عايز ينضم لاى نشاط ينضم براحته وبدون اى اختبارات عشان كده مفلحناش فى حاجة ( عرفت ساعتها مصر مش بتحصد ولا ميدالية فى العاب البحر المتوسط ليه )
اليوم الرابع
بقالنا 3 ايام ولسه مشترناش حاجه ولا اتفسحنا
لبست انا واحمد مختار ونزلنا ودبرنا خطة للهروب رغم وجود 3 حراس على البوابة و2 مشرفين الجامعه فى فناء المعهد وقف 5 من جامعه المنيا على السور بجوار البوابه يكتبون ايه قرأنية على جدار السور
زعقت بصوت عالى لهم وقلت لهم بيقول لكم المشرف لازم نشكل الايه القرانية ونعمل برواز على الاية ففهم الحراس اننا معاهم وسابونا نقف معاهم
قال احدهم انتو مين قلت له احنا عايزين نخرج فهنقف شوية كده معاكم عما يطمنوا لنا خالص وبعدين نطلع
قال لى بصوت عالى محمد هات لى علبه بوية من بره بسرعه عشان نكمل الكتابه قلت له حاضر ولقيت احمد مختار بيقول لى استنى جاى معاك وخرجنا من البوابه امام الحراس كافضل مايكون
لم تفلح هذه الخطة مع بسيونى وعبد ربه وحسب الله فلجأوا الى خطة جديدة
ذهبوا للمطبخ وشالوا براميل القمامة وخرجوا من البوابة بحجه رمى القمامة بعيدا عن المعهد وبالفعل خرجوا
عرفنا (بضم العين وكسر الراء )بعد ذلك على مستوي الجامعه ( المطاريد بتوع البوية ) و ( المطاريد بتوع الزبالة )
بتوع الزبالة رجعوا الساعه 12 واحنا رجعنا الساعه 1 ونص
فوجئنا باجراءات ضدنا حيث المنع من المكافئة وسحب التريننج (هدية من المعهد) ومنع من الخروج لرحله الشاطئ تانى يوم واصبحنا اشهر 5 على مستوي الجامعات
التميز شئ جمييل جدا حتى لو كان فى عمل خاطئ تخيل لو تميزنا فى عمل نافع بقى
كنت حاسس باستمتاع وانا متميز حتى لو كان تميز فى الهروب ومخالفة النظام ساعتها فهمت ان حتى المجرمين (فتح الراء وتشديدها) قانونيا فى لذة كبيرة لانهم متميزين.( مش عارف انا قادر اوصل الخاطرة ولا لا )
منعنا فعلا من المكافئة والتريننج ولكن ذهبنا الى رحله الشاطئ بعد اعتراض بعض الزملاء على منعنا
الحقيقة كله اعترض على منعنا وطالبوا المشرفين اننا نروح معاهم الا بنت واحده و3 صبيان
السؤال بقى لو انت معانا كنت هتوافق منعنا من الشاطئ ولا هتطلب اننا نيجى معاك الشاطئ؟
هناك 8 تعليقات:
شاطئ
شاطئ اية
دا انا لو كنت من الزملاء اللي ماهربوش -بما اني من المطاريد يعني- كنت طالبت باعدامكم خنقا بسلال القمامة في ارض الطابور وبعد كده ندهنكم بالبوية ونرميكوا للـ
شاطئ قال
من غير زعل
طبعا ماكنتش هوافق
السلام عليكم ورحمة
الله تعالى وبركاته
دا سعدكم زمانكم
ان انا ما كنت معاكم :)
والا كنت قطعت لكم تذاكر عودة
على حسابى للرجوع وترك المعسكر
دا انتوا كده حتخلوا روح(الفركش)
تتفشى فى طلبة المعسر ولا الانفلونزا
اللى خايفين منها دى.انا عايزة اقول
كمان وصفك حلو اوى للمعسكر والاحداث اللى فيه :)حاجة اخر ترىترى ترىلاى :)
السلام عليكم ورحمة الله وبركاته
تحية طيبه وبعد:
لكم سعدت بقراءة تلك الخواطر وتعايش أحداثها وروح الجماعه فيها . تلك الروح التى لطالما وجدت فى أى وقت كانت لها القدره على تغيير أفرادها ومهما كان فى الأومر من صعوبه شعرت بتواجدها لين الامر ويسره .
وأما عن الإتحاد للخروج والعقاب الذى أنزلوه بكم فهو الصواب لأنه لابد من طاعة من نحن تحت قيادتهم (وأولوا الامر منكم)) ولو كانت لأيام معدوده .ومخالفة القائد أمر غير مستحب بأى حال من الاحوال ولعلنا نرى هزيمة المسلمين فى غزوة أحد والتى كانت بخطأ من الرماه الذين نزلوا من الجبل لجمع الغنائم دون أخد رأى قائدهم..وكانت النتائج المترتبه على ذلك عظيمه من فقدان المسلمين لأصحابهم وإستشهاد الكثير و......
نعم ما ذكرتموه ليس بمعركه ولاكنه أمر إلتزم معه الطاعه بكل حال.
جعلكم الله تعالى أعلاماً للخير مرفوعة رؤوسكم إلى طلب العلا.
السلام عليكم
تحية لأهل بورسعيد
السلام عليكم ورحمه الله وبركاته
ربنا يسعدكوا دائما
ندعوكم لزياره مدونه لو عرفوه هيحبوه للتعريف بالنبى صلى الله عليه وسلم وتعرفوا معنا على مولد وطفوله النبى ومابها من معجزات
ههههههههه
فكرتنى بفيلم الهروب الكبير بس انتو هروبكم اصغر شويه
كل سنة و حضرتك طيب و إلى الله أقرب إن شاء الله
تقبل الله منا و منكم
رمضان كريم
إرسال تعليق